Trifolium arvense

Planta anual ou bienal, con talos a miúdo moi ramallentos, de ata 50 cm., recubertos de pubescencia greseira ou algo avermellada. As follas superiores levan folíolos de ata 27 x 7 mm., lineares-oblongos. Inflorescencias pelosas, espiciformes, ovoideas ou cilíndricas, de 6-32 mm., pedunculadas, sen bratéolas.

As flores levan cálice suavemente peloso con 10 nervios, tubo de  1,2-2 mm. e dentes máis longos e case iguais. Corola branca ou algo rosácea, máis curta có cálice, con estandarte de 2,3-4 mm. e caedeira na frutificación. Legume indehiscente cunha semente incluída no cálice.

Florece entre maio e setembro en lugares secos e beiras de camiños de toda Galiza.

Lugar de observación: Lalín.