O PROXECTO


A principal finalidade deste espazo é a de dar a coñecer a gran biodiversidade que acollen os distintos ecosistemas presentes na Comarca do Deza e a de tentar concienciar sobre a necesidade do seu coidado e conservación.

Non pretende ser unha extensa guía taxonómica e morfolóxica de especies, senón un pequeno catálogo que recolle moitas das que habitan comarca, fotografadas todas elas a pé de campo e coa intención de que sexan doadamente identificables para o visitante.

Nel atoparedes fotografías, os nomes científicos das especies, os nomes populares galegos que reciben algunhas delas, as zonas onde se recolleron as citas, unha pequena descrición dos seus hábitats e tamén algunha que outra curiosidade.

Do mesmo xeito, poderedes atopar unha completa descrición dos factores bióticos e abióticos da comarca, extraída do "Catálogo Paisaxístico da Comarca de Deza", así como información sobre os espazos naturais de especial interese.

Débese aclarar que Biodiversidade do Deza é un proxecto que se creou e se está a levar a cabo sen ningún tipo de colaboración ou financiamento externo.

Agardo que sexa do voso agrado e interese.

Benvidos.

(Creador: Javi Cui)
(Fotografía: Javi Cui)
(Textos especies: "Fontes de información")
(Textos "A Comarca do Deza": Catálogo da Paisaxe de Deza)
O PROXECTO