O proxecto


O proxecto

Biodiversidade do Deza é un espazo de divulgación ambiental que pretende dar a coñecer a gran biodiversidade que acollen os distintos ecosistemas presentes na Comarca do Deza, coa finalidade de concienciar sobre o seu coidado e conservación.

Traballamos na identificación e catalogación das especies que habitan na nosa comarca, fotografadas ou gravadas todas elas a pé de campo e coa intención de que sexan doadamente identificables para o visitante.

Nesta páxina, poderedes atopar información e documentación gráfica das especies, artigos, información ambiental, información sobre os nosos espazos naturais de especial interese e tamén unha completa descrición dos factores bióticos e abióticos da comarca, extraída do "Catálogo Paisaxístico da Comarca de Deza", entre outra información.

Biodiversidade do Deza é un proxecto que se creou e se está a desenvolver sen ningún tipo de colaboración ou financiamento externo.

Agardo que sexa do voso agrado e interese.

(Creador: Javi Cui)

(Fotografía e vídeo: Javi Cui)

(Textos especies: "Fontes de información")

(Textos "A Comarca do Deza": Catálogo da Paisaxe de Deza)