Rosa canina


Arbusto con talos de ata 5 metros, formando malezas, recubertos de espiñas rexas de 3-8 mm., curvadas ou ganchudas, de base decorrente. Follas inodoras, caducas, con 5-7 folíolos ovado-redondeados a ovado-lanceolados, de 15-40 mm., con beiras de denticulación simple a dobre, sen glándulas.

Flores solitarias ou dispostas en corimbos de 2-5, con pedicelos de 10-20 mm., glabros, tan longos ou máis có froito. Sépalos de 15-21 mm., pelosos internamente e glabros posteriormente, reflexos e caedeiros, con moitos lóbulos laterais.

Pétalos de 12-25 mm., brancos ou rosáceos. Estiletes glabros ou pelosos, dispostos en piña de 0,8-2,5 mm. na boca de orificio de 0,8-1 mm. Cinorrodon de 10-20 mm., vermello, globoso a elipsoideo, glabro.

Florece entre maio e xullo en beiras de carballeiras e bosques mixtos de Galiza, aínda que é raro en zonas baixas. Trátase en realidade dun grupo amplo e complexo de microespecies.


Lugar de observación: Ribeira do río Deza. Taboada. Silleda.

Tagged:  Rosaceae

Comentarios: Deixe un comentario

* O correo electrónico non será publicado na web.