Potentilla erecta


21 Feb
21Feb

Vivaz, de raíz forte, cunha mouta de follas que a miúdo secan na floración. Os talos floríferos, máis ou menos deitados pero non arraigantes, de 5-50 cm., levan follas sentadas con folíolos (ás veces 5) obovados, cuneados, o central de 3-30 x 1,5-15 mm., pelosos no envés.

As flores aparecen dispostas en cima laxa máis ou menos foliosa; as inferiores axilares e solitarias, con case todas tetrámeras. Sépalos de 2-8 mm., pétalos amarelos de 4-6 mm., epicálice de 4 pezas, 14-20 estames e 4-16 carpelos. Froitos en aquenio de 1,5-2 mm.

Florece entre febreiro e novembro en prados, breixos e claros de bosque de toda Galiza.


Lugar de observación: Fraga de Quiroga. Catasós. Lalín.

Comentarios
* O correo electrónico non será publicado na web.