09 May
09May

Planta anual con talos erectos de ata 40 cm., espido de follas certo espazo no ápice. Follas de 2-5 cm., oblongas a lineares, branco-tomentosas por cara e envés, amplexicaules as superiores, lanceoladas, sendo as inferiores espatuladas.

Glomérulo mesto único, ou varios que forman en conxunto inflorescencia corimbosa, con capítulos de 4-5 mm., de brácteas involucrais amareladas, glabras, aparecendo os flósculos vermellos no ápice. Aquenios tuberculados, de 0,5 mm. e papo con pelos de 2-2,5 mm.

Florece entre xullo e setembro en terreos soltos e húmidos e fendeduras de rochas que gardan a sequía.


Lugar de observación: Beiras do encoro de Portodemouros. Aldea de Baixo. Agolada.

Comentarios
* O correo electrónico non será publicado no sitio web.