Sisymbrium officinale

Anual ou bienal, con talos que acadan os 90 cm., a miúdo violáceos. As follas inferiores son pinnatipartidas a pinnatisectas, de perfil ovado, con 1 lóbulo terminal obovado ou semicircular e 2-5 pares de lóbulos laterais. 

As fores, con pétalos de 3-4 mm., de cor amarela pálida e sépalos de 2 mm., van en grupos pequenos, pero vanse alongando ao frutificar, polo que as silicuas aparecen dispostas en espigas longas, estreitas.

Estas siliculas de 13-17 mm., cónico-cilíndricas e con bico de 0,5-1 mm., aparecen adpresas sobre as pólas. Sementes en número de 8-20 por silicua.

Florece entre abril e setembro en beiras de camiños e lugares secos de toda Galiza. Os nomes populares falan das súas virtudes expectorantes e antitusíxenas.

Lugar de observación: Abades. Silleda.