Linaria elegans

Planta anual, con talos que poden chegar aos 70 cm., glabros abaixo e glandular-pubescentes arriba. As follas, de 7-35 x 0,5-4 mm., son filiformes a linear-lanceoladas, de disposición alterna. Flores con pedicelo de 4-8 mm. e cálice de 3-5 mm. con lóbulos iguais. 

Corola violeta de 17-25 mm. co padal branco, e esporón de 10-14 mm., fortemente curvado. Froito en cápsula de 3-4 mm., con sementes de 0,6 mm., tetraédricas, de cor griseira.

Florece entre xuño e agosto. Aínda que hai citas a baixas altitudes é máis habitual atopala en lugares secos a certa altura. Endemismo do cuadrante noroeste da Península.

Lugar de observación: Senra. Rodeiro.