Humulus lupulus

Planta herbácea cun rizoma do que xorde un talo aéreo anual gabeador que acada 6 metros, revirándose cara á dereira sempre. As follas son opostas, ata 17,5 x 18 cm., pecioladas e de base cordada, palmatilobadas, con 3-5 grandes lóbulos ovado-lanceolados, dentados e rematados en punta. 

As flores masculinas aparecen dispostas en panículas axilares ou pequenos acios, e levan perianto de 5 pezas verdes de 3 mm. As femininas, en inflorescencias con brácteas que fan que semellen piñas de 25-60 mm. Froitos, aquenios de 3 mm., globosos.

Florece entre xuño e setembro á beira dos ríos, entre salgueiros en especial na Galiza oceánica. As glándulas amarelas que se desprenden das infrutescencias empréganse para dar sabor amargo á cervexa.

Lugar de observación: Ponte Sulago. Vila de Cruces.