Barbarea intermedia

Planta bienal, con talos erectos, simples ou máis a miúdo ramificados superiormente, que acadan 100 cm. As follas basais son pinnatisectas, de ata 20 cm., con 2-5 pares de lóbulos oblongos a linear-ovados e o terminal ovalado, maior. As follas caulinas son de menor tamaño cás basais, sésiles, auriculadas, pinnatipartidas ou pinnatisectas.

As flores aparecen dispostas en acios mestos, de 10-30 cm. na frutificación. Sépalos de 2,5-3,5 mm., con marxe membranácea, e pétalos de 5-6 mm. de cor amarela algo esvaída.

Os froitos son silicuas de 15-32 mm. con bico de 1-1,5 mm.

Florece entre abril e xullo en lugares algo húmidos e nitrificados, como beiras de ríos e camiños de toda Galiza.

Lugar de observación: Paseo do Poniñas. Lalín.