Graphosoma lineatum italicum


Trátase dunha especie de insecto escudo da familia Pentatomidae. Mide entre os 8 e os 12 mm. O seu corpo é case redondo e ten unha apariencia similar á dun escudo. A súa cor principal é a vermella, con 6 liñas negras cruzando o protórax de principio a fin. 

As súas antenas son negras. Os lados dos segmentos abdominais son tamén de cor vermella con moitos puntos negros pequenos. 

A subespecie "italicum" que aquí se mostra, ten a particularidade de ter as patas negras agás a terceira tibia. 

É un insecto de zonas cálidas e soleadas. Prefire ladeiras cálidas e prados situados en ladeiras orientadas ao sur.


Lugar de observación: Inmediacións do río Deza. Taboada. Silleda.


Vídeos en Youtube de Graphosoma lineatum italicum:

Tagged:  Pentatomidae

Comentarios: Deixe un comentario

* O correo electrónico non será publicado na web.