Reseda lutea

Planta anual e perennizante, con moitos talos erectos e ramificados desde a base, ata 100 cm. As follas son enteiras, en mouta, de 4-12 x 1-2,5 cm., oblanceoladas sobre longos pecíolos. As caulinas inferiores son enteiras a pinnatisectas, sendo as superiores trisectas.

A inflorescencia é en acio, mesta, de 8-20 mm. de anchura, e leva flores con brácteas caducas, de 1,5-5 mm. Sépalos, 6, de 1-3,5 mm. e 6 pétalos de 1,5-4 mm. de cor amarela, o superior de cada flor de maior tamaño e con limbo trisecto. Estames en número de 15-20, case tan longos coma os pétalos. Froito en cápsula de 7-15 mm.

Florece entre marzo e agosto. É rara en Galiza, pero pode aparecer en beiras de camiños ou terreos removidos, en especial sobre calías.

Lugar de observación: Botos. Lalín.