Oxalis acetosella


21 Feb
21Feb

Vivaz, formada por un rizoma fino, subterráneo, con marcas das follas de anos anteriores. As do ano levan pecíolo de 5-10 cm., e 3 folíolos de 10-25 x 15-30 mm., obcordados, emarxinados. As flores, solitarias en pedúnculos do longo das follas, levan pétalos de 8-15 mm., brancas, a miúdo raiadas de violáceo. Cápsula de 3-4 mm.

Florece entre abril e maio no sotobosque de árbores caducifolias, sendo raro a menos de 100 metros de altitude. As follas pódense comer en ensalada, aínda que non en cantidade, polo ácido oxálico.


Lugar de observación: Serra do Candán. Ribeira do río Deza. A Trigueira. Zobra. Lalín.

Comentarios
* O correo electrónico non será publicado na web.