Ranunculus bulbosus


21 Feb
21Feb

Planta perenne, de ata 50 cm., con base do talo ancheada nunha formación que asemella un bulbo. As follas basais son trilobadas, ás veces co lóbulo basal peciolulado e os lóbulos máis ou menos divididos. As follas caulinas son semellantes, pero de menor tamaño, as superiores de lóbulos case lineares, sentados.

As flores, de 12-32 cm. de diámetro van en pedicelos estriados, e levan sépalos moi revirados (chegan a tocar o pedúnculo), e pétalos de 7-15 mm. Aquenios de 2-4 mm., con beiras aquilladas e bico curto, curvado, de 0,2-1 mm., con pedúnculos frutíferos sucados.

É unha planta de gran variabilidade. En Galiza podemos ver varios taxons infraespecíficos. Florece en todo o país entre maio e agosto.


Lugar de observación: Fraga de Quiroga. Catasós. Lalín.

Comentarios
* O correo electrónico non será publicado na web.