Filaginella uliginosa

Planta anual, branco-tomentosa, con talos erectos de ata 20 cm., cuberto ata o ápice de follas linear-lanceoladas a oblongo-ovadas, de 1-5 cm., abrancazadas ou verdosas, tomentosas. Capítulos ovoideos de 3-4 mm. dispostos en glomérulos compactos de 3-10, terminais, claramente sobrepasados polas follas que os envolven.

Brácteas involucrais oblongas e lineares, acastañadas, pelosas pola parte inferior. Flores tirando a amarelas, as periféricas filiformes e femininas, as centrais hermafroditas. Aquenios de 0,5 mm., oblongo-cilíndricos, con papo de pelos caedeiros de 1,5 mm.

Florece entre abril e xuño en terras removidas e temporalmente húmidas de toda Galiza.

Lugar de observación: Beira do encoro de Portodemouros. Aldea de Baixo. Agolada.